Lechia komst yfir þegar fyrri hálfleikur var rúmlega hálfnaður en það var eina markið sem að skorað var í fyrri hálfleik.

Ognjen Mudrinski, liðsfélagi Böðvars, jafnaði leikinn þegar stundarfjórðungur var til leiksloka. Hvorugu liðinu tókst að setja sigumark og jafntefli því niðurstaðan, 1-1.

Pólska deildin er nýhafin en fjórar umferðir eru búnar af mótinu. Jagiellonia situr í sjönda sæti með fimm stig, stigi minna en Lechia.

Jagiellonia hefur ekki sigrað síðan í fyrstu umferð mótsins þegar liðið hafði betur gegn Arka Gdynia, 3-0.

Næsti leikur liðsins er á laugardaginn gegn Górnik Zabrze.