Þrátt fyrir að titillinn sé í höfn þá eru enn tilfinningar í spilinu og það sást þegar Lautaro Martínez var tekinn af velli í 3-1 sigrinum á Roma í gær.

Martínez fór af velli á 77. mínútu og var verulega pirraður út í þjálfara sinn, Antonio Conte.

Þeir ákváðu að leysa ágreining sinn skemmtilega á æfingasvæðinu í dag. Þeir settu á sig boxhanska og slógu á létta strengi. Romelu Lukaku kynnti menn í hringinn og það var mikið glens. Conte er þekktur fyrir að vera harðhaus en hann brosti meira að segja og hafði gaman að.

Hér að neðan má sjá myndband af þessu.