fös 13. september 2024 11:44
Sæbjörn Þór Þórbergsson Steinke
Orri: Væri ekki hér ef ég væri ekki tilbúinn
Orri skoraði gegn Svartfjallalandi fyrir viku síðan.
Orri skoraði gegn Svartfjallalandi fyrir viku síðan.
Mynd: Fótbolti.net - Hafliði Breiðfjörð
Orri Steinn Óskarsson sat fyrir svörum á fréttamannafundi í gær. Hann er á leið inn í sinn annan leik sem leikmaður Real Sociedad, framundan er leikur gegn Evrópu- og Spánarmeisturum Real Madrid.

„Ég er mjög ánægður, þetta er frábært tækifæri fyrir mig. Ég er mjög þakklátur að vera hér og ég vonast til að eiga mörg farsæl ár hér," sagði Orri.

„Ég held að það mikilvægasta í minni ákvörðun hafi verið hvernig félagið hugsar um unga leikmenn, hvernig þeir þróa sinn leik hér og skipta máli frá fyrsta degi."

Orri er dýrasti leikmaður í sögu Real Sociedad og sá dýrasti sem hefur verið seldur frá FC Kaupmannahöfn.

„Auðvitað veit ég að ég þarf að koma og skora mörk frá fyrsta degi, það er vinna framherjans og ég mun gera mitt allra besta í því. Ég er að kynnast liðsfélögunum og aðlögunin hefur ekki verið eins erfið og ég hélt hún yrði."

„Ég var ánægður þegar símtalið kom frá Sociedad, en ég var líka ánægður í Kaupmannahöfn. Þegar mér var sagt að Sociedad vildi kaupa mig þá hefði ég ekki getað verið ánægðari. Ég held að ég muni ná að aðlagast leikstílnum og deildinni. Þetta var mjög heillandi tilboð."

„Ég væri ekki hérna ef ég teldi að ég væri ekki tilbúinn. Ég er hér til að hafa áhrif, þetta er stór breyting, en góð. Þetta er stórt skref upp fram á við frá dönsku deildinni, en ég er undirbúinn og spenntur. Ég mun gera mitt besta."

„Það er styrkleiki hjá mér hvernig ég tengi við liðsfélagana og hvernig ég klára færin."


Leikur Real Sociedad og Real Madrid fer fram á morgun á heimavelli Sociedad. Leikurinn hefst klukkan 19:00.
Stöðutaflan Spánn La Liga - karlar
  L U J T ms: mf: mun Stig
1 Barcelona 38 28 4 6 102 39 +63 88
2 Real Madrid 38 26 6 6 78 38 +40 84
3 Atletico Madrid 38 22 10 6 68 30 +38 76
4 Athletic 38 19 13 6 54 29 +25 70
5 Villarreal 38 20 10 8 71 51 +20 70
6 Betis 38 16 12 10 57 50 +7 60
7 Celta 38 16 7 15 59 57 +2 55
8 Osasuna 38 12 16 10 48 52 -4 52
9 Vallecano 38 13 13 12 41 45 -4 52
10 Mallorca 38 13 9 16 35 44 -9 48
11 Valencia 38 11 13 14 44 54 -10 46
12 Real Sociedad 38 13 7 18 35 46 -11 46
13 Alaves 38 10 12 16 38 48 -10 42
14 Getafe 38 11 9 18 34 39 -5 42
15 Espanyol 38 11 9 18 40 51 -11 42
16 Sevilla 38 10 11 17 42 55 -13 41
17 Girona 38 11 8 19 44 60 -16 41
18 Leganes 38 9 13 16 39 56 -17 40
19 Las Palmas 38 8 8 22 40 61 -21 32
20 Valladolid 38 4 4 30 26 90 -64 16
Athugasemdir