Tottenham hefur staðfest að Igor Tudor muni stýra liðinu út tímabilið. Hann tekur við af Thomas Frank sem var rekinn eftir eftir aðeins tæplega átta mánuði í starfi. Síðasti leikurinn hans var 2-1 tap gegn Newcastle á dögunum.
„Igor gengur til liðs við okkur með skýra áherslu: að bæta frammistöðu, skila árangri og færa okkur ofar í úrvalsdeildinni. Markmið hans er einfalt – að koma með skipulag, ákefð og gera liðið samkeppnishæft á afgerandi stigi tímabilsins," segir í tilkynningu frá Tottenham.
Tudor hefur verið atvinnulaus síðan hann var rekinn sem stjóri Juventus í október. Hann hefur stýrt Lazio, Marseille, Galatasaray og Udinese á ferlinum.
„Það er heiður að ganga til liðs við þetta félag á mikilvægum tímapunkti. Ég skil ábyrgðina sem mér hefur verið falin og markmið mitt er skýrt. Að auka stöðugleika í frammistöðu okkar og keppa af sannfæringu í hverjum leik," sagði Tudor.
„Það eru mikil gæði í þessum leikmannahópi og mitt hlutverk er að skipuleggja hann, gefa honum orku og bæta árangur okkar hratt.“
Tottenham er í 16. sæti úrvalsdeildarinnar aðeins fimm stigum frá falli. Liðið hefur aðeins unnið tvo af síðustu 17 deildarleikjum.
We are pleased to confirm the appointment of Igor Tudor as Men’s Head Coach until the end of the season, subject to work permit.
— Tottenham Hotspur (@SpursOfficial) February 14, 2026
???? https://t.co/IqK72rpNSg pic.twitter.com/31rCpoVQTj
Athugasemdir
