Ísland í dag - Hörð barátta um sæti í efri hlutanum í Bestu

Lokaumferðin í Bestu deildinni fyrir tvískiptinguna hefst í dag. Tveir leikir hefjast klukkan 14 en það er barátta um sæti í efri hlutanum.

FH fær Fram í heimsókn. FH er í 5. sæti með 29 stig en Fram er í 6. sæti með 28 stig. KA og Vestri mætast á Akureyri. Vestri er stigi á eftir Fram en KA er tveimur stigum á eftir.

Þrjú efstu liðin, Valur, Víkingur og Stjarnan eru í eldlínunni í kvöld. Það eru aðeins þrjú stig sem skilja liðin að. Valur og Stjarnan mætast og Víkingur fer í heimsókn til KR sem er þremur stigum frá fallsæti.

Næst síðustu umferðinni í Bestu deild kvenna lýkur í dag. Breiðablik getur náð ellefu stiga forystu á toppnum með sigri á FHL sem er fallið. Tindastóll er stigi frá öruggu sæti en liðið heimsækir Val.