Leikmaður sjöttu umferðar í 3. deild - í boði Jako Sport - er Arnar Sigþórsson leikmaður ÍH.

Arnar er 21 árs FH-ingur sem var á lán hjá Þrótti Vogum fyrri hluta síðasta tímabils en lék svo með ÍH seinni hlutann. Hann er aftur á láni hjá ÍH á þessu tímabili og hefur skorað fimm mörk í sex deildarleikjum.

Hann er valinn leikmaður umferðarinnar fyrir frábæra frammistöðu gegn Augnabliki þar sem hann skoraði þrennu í fyrsta sigri ÍH á tímabilinu.