Besta deild kvenna: 14 ára innsiglaði sigur Breiðabliks

Breiðablik fékk Víking í heimsókn í Bestu deild kvenna í kvöld. Kristín Dís Árnadóttir fékk úrvalsfæri til að koma Blikum yfir eftir tuttugu mínútna leik. Hún átti skalla í slá og boltinn fór aftur í hana en Víkingar björguðu á síðustu stundu.

Blikar brutu ísinn þegar rúmlega stundafjórðungur var til loka venjulegs leiktíma. Líf Joostdóttir van Bemmel fann Edith Kristínu Kristjánsdóttir inn á teignum og hún skoraði.

Líf skoraði síðan frábært mark þremur mínútum síðar. Sex mínútum eftir fyrsta markið skoraði Ólöf Sigríður Kristinsdóttir þriðja markið.

Bergdís Sveinsdóttir skoraði sáramótamark fyrir Víking undir lokin. Það var síðan Ólöf Margrét Marvinsdóttir, sem er fædd árið 2011, sem innsiglaði sigur Breiðabliks.