Thelma í miklu stuði - Heiða lagði upp sigurmarkið

Thelma, sem er aðeins 18 ára, hefur farið frábærlega af stað á sínu fyrsta tímabili með Häcken.

Hún skoraði þriðja mark liðsins snemma í síðari hálfleik og er nú komin með þrjú mörk í síðustu fjórum leikjum.

Häcken er á toppi deildarinnar með 39 stig, fimm stigum meira en Hammarby í öðru sæti.

Heiða Ragney Viðarsdóttir kom inn af bekknum hjá Eskilstuna og lagði upp sigurmarkið í 1-0 sigri á Rosengård.

Hún kom inn á 65. mínútu og lagði upp mark Bellu Sember rúmum fimmtán mínútum síðar. Eskilstuna er í 5. sæti með 23 stig, tveimur stigum frá Evrópusæti.

Sunneva Hrönn Sigurvinsdóttir kom við sögu í 4-1 tapi FCK gegn Fortuna Hjörring í dönsku úrvalsdeildinni.

Hún byrjaði á bekknum en kom inn á þegar stundarfjórðungur var eftir. FCK er án stiga á botninum eftir þrjár umferðir.

Diljá Ýr Zomers var í byrjunarliði Brann sem vann öruggan 3-0 sigur á Hönefoss í norsku úrvalsdeildinni. Brann er með sjö stiga forystu á toppnum.

Eyrún Embla Hjartardóttir byrjaði hjá varaliði Häcken sem tapaði fyrir Linköping, 2-1, í sænsku B-deildinni. Sigurmark Linköping kom undir lokin en þetta var þrettánda tap varaliðsins í deildinni sem er á botninum með aðeins eitt stig.