fös 15. nóvember 2019 17:00
Magnús Már Einarsson
Bruce vonar að Schar sannfæri Xhaka um Newcastle
Steve Bruce, stjóri Newcastle, vonast til að svissneski varnarmaðurinn Fabian Schar geti hjálpað félaginu að sannfæra landa hans Granit Xhaka um að koma frá Arsenal í janúar.

Xhaka var sviptur fyrirliðabandinu hjá Arsenal á dögunum og líklegt er að hann fari annað í janúar.

Bruce hefur áhuga á Xhaka en ítölsk félög eru einnig á eftir leikmanninum.

Bruce vill styrkja framlínuna og miðjuna í janúar og Xhaka er mjög ofarlega á óskalista hans.

Schar og Xhaka eru góðir vinir úr svissneska landsliðinu og Bruce vonast til að það hjálpi í baráttunni.
Athugasemdir
banner