Kvennalið Manchester City skoraði tíu mörk gegn Ipswich Town í FA-bikar kvenna á Englandi í gær. Man City, ríkjandi meistari keppninnar, er því komið áfram í 8-liða úrslitin sjöunda árið í röð.
Pauline Bremer, Jess Park og Georgia Stanway skoruðu allar þrennu fyrir topplið ensku úrvalsdeildarinnar.
Ipswich Town leikur í fjórðu efstu deild og er þetta í fyrsta sinn sem að lið úr fjórðu efstu deild leikur í 16-liða úrslitum bikarsins.
Birmingham City er einnig komið í 8-liða úrslit bikarsins eftir nauman sigur á Sunderland úr þriðju deild. Enska landsliðskonan Lucy Staniforth skoraði sigurmarkið úr aukaspyrnu þegar lítið var eftir.
Þrír aðrir leikir áttu að fara fram í gær, en þeim var öllum frestað út af storminum Dennis.
FULL-TIME | Manchester City 10-0 Ipswich Town
— Ipswich Town FC Women (@ITFCWomen) February 16, 2020
A valiant effort from the Tractor Girls but sadly outclassed by top opposition.
Safe journey home to our amazing fans who carried us through the whole game 💙
Don’t be sad the journey is over, be proud it happened 👏🏼 #ITFC pic.twitter.com/m3VXKtzzft
Athugasemdir
