Frakkland og Austurríki áttust við í fyrstu umferð Evrópumótsins í kvöld og ríkti þokkalegt jafnræði með liðunum í fyrri hálfleik.
Austurríkismenn fengu besta færið en Frakkar skoruðu það sem reyndist vera eina mark leiksins á 38. mínútu.
Maximilian Wöber varð þá fyrir þeirri óheppni að skalla boltann í eigið net eftir fyrirgjöf frá Kylian Mbappé.
Frakkar voru sterkari aðilinn í seinni hálfleik og óheppnir að bæta ekki marki við sigurinn. Það stafaði lítil sem engin ógn af Austurríkismönnum sem komust þó nokkrum sinnum í álitlegar sóknarstöður án þess að takast að skapa mikla hættu.
Frakkar spila næst toppslag við Hollendinga á meðan Austurríki mætir Póllandi.
Markið og helstu atvik í leik Austurríkis og Frakka í kvöld. Mbappé brenndi af í ótrúlegu færi ???????? pic.twitter.com/0uhiw2VuLb
— RÚV Íþróttir (@ruvithrottir) June 17, 2024
Athugasemdir