Ásta er að glíma við meiðsli og segir Ásmundur Arnarsson, þjálfari Blika, að hún verði mögulega frá út tímabilið - það sé búist við því að niðurstaðan sé þannig.

Breiðablik mætir norska stórliðinu Rosenborg í forkeppni Meistaradeildarinnar á morgun. Þær verða án fyrirliða síns á morgun sem er áfall fyrir þær.

„Ásta reif liðþófa á æfingu rétt áður en við byrjuðum aftur að spila eftir EM. Hún fór í aðgerð síðasta föstudag sem ég gekk vel, en við reiknum ekki með því að hún verði klár fyrr en eftir mót," sagði Ásmundur í samtali við Fótbolta.net í dag.

Miðvörðurinn Heiðdís Lillýardóttir og markvörðurinn Telma Ívarsdóttir hafa einnig verið að glíma við meiðsli. Það er ekki enn kominn tímarammi á það hvenær Telma kemur til baka en Heiðdís gæti spilað með gegn Rosenborg á morgun.