Haaland kom inn af bekknum á 56. mínútu er Dortmund var 3-1 undir á útivelli gegn Augsburg.

Það voru ekki liðnar fimm mínútur þegar Haaland skoraði fyrir sitt nýja félag en hann lét eitt mark ekki nægja, heldur bætti hann tveimur við og gerði þannig þrennu á tæplega 25 mínútna kafla.

Þrennuna er hægt að sjá hér fyrir neðan. Hann gerði vel að koma knettinum í netið í fyrsta og þriðja markinu en Thorgan Hazard afhenti honum annað markið á silfurfati.