Jose Mourinho var spurður út í hvað gerðist á fréttamannafundi eftir sögulegt 3-3 jafntefli Tottenham gegn West Ham United í dag.
Tottenham tók þriggja marka forystu eftir 16 mínútur og leiddi þar til á 82. mínútu, þegar Hamrarnir komu til baka.
„Fótbolti gerðist. Auðvitað þurfum við að greina nákvæmlega hvað gerðist en þegar ég er spurður þá kýs ég að svara að fótbolti gerðist. Svo vil ég líka hrósa trúnni sem West Ham hafði og gerði þeim kleift að jafna, það er ekki auðvelt að halda í trúna þegar maður er 3-0 undir gegn liði sem stjórnar leiknum," svaraði Mourinho.
„Þetta var þung refsing fyrir okkur en þó verðskulduð. Mörkin voru óheppileg, þau komu úr föstum leikatriðum og svo var sjálfsmarkið. Við vorum með stjórn á leiknum og Harry Kane var næstum búinn að gera fjórða markið en skaut í stöng. Svona er fótboltinn. Þeir voru heppnir en þeir verðskulduðu heppnina."
Mourinho var svekktur en Tottenham er með átta stig eftir fimm umferðir þrátt fyrir að hafa sýnt frábæra takta.
„Við vorum með þennan leik í vasanum en enduðum á að tapa tveimur stigum."
Hann tjáði sig um Tomas Soucek, miðjumann West Ham, að lokum og líkti honum við Marouane Fellaini.
„Ég varaði strákana við föstu leikatriðunum því við vitum að þeir eru mjög sterkir þar. David Moyes gerði vel að næla í Soucek, hann er búinn að finna nýja Fellaini."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 35 | 23 | 7 | 5 | 67 | 26 | +41 | 76 |
| 2 | Man City | 33 | 21 | 7 | 5 | 66 | 29 | +37 | 70 |
| 3 | Man Utd | 35 | 18 | 10 | 7 | 63 | 48 | +15 | 64 |
| 4 | Liverpool | 35 | 17 | 7 | 11 | 59 | 47 | +12 | 58 |
| 5 | Aston Villa | 35 | 17 | 7 | 11 | 48 | 44 | +4 | 58 |
| 6 | Bournemouth | 35 | 12 | 16 | 7 | 55 | 52 | +3 | 52 |
| 7 | Brentford | 35 | 14 | 9 | 12 | 52 | 46 | +6 | 51 |
| 8 | Brighton | 35 | 13 | 11 | 11 | 49 | 42 | +7 | 50 |
| 9 | Chelsea | 34 | 13 | 9 | 12 | 53 | 45 | +8 | 48 |
| 10 | Fulham | 35 | 14 | 6 | 15 | 44 | 49 | -5 | 48 |
| 11 | Everton | 34 | 13 | 8 | 13 | 41 | 41 | 0 | 47 |
| 12 | Sunderland | 35 | 12 | 11 | 12 | 37 | 46 | -9 | 47 |
| 13 | Newcastle | 35 | 13 | 6 | 16 | 49 | 51 | -2 | 45 |
| 14 | Leeds | 35 | 10 | 13 | 12 | 47 | 52 | -5 | 43 |
| 15 | Crystal Palace | 34 | 11 | 10 | 13 | 36 | 42 | -6 | 43 |
| 16 | Nott. Forest | 34 | 10 | 9 | 15 | 41 | 45 | -4 | 39 |
| 17 | Tottenham | 35 | 9 | 10 | 16 | 45 | 54 | -9 | 37 |
| 18 | West Ham | 35 | 9 | 9 | 17 | 42 | 61 | -19 | 36 |
| 19 | Burnley | 35 | 4 | 8 | 23 | 35 | 71 | -36 | 20 |
| 20 | Wolves | 35 | 3 | 9 | 23 | 25 | 63 | -38 | 18 |
