Stjarnan og HK mætast í 9. umferð Pepsi Max-deildarinnar á Samsungvellinum klukkan 17:00 í dag.
Þorvaldur Örlygsson þjálfari Stjörnunnar gerir tvær breytingar á byrjunarliði Stjörnunnar frá 1-1 jafnteflinu gegn FH fyrr í vikunni. Ein af breytingunum eru þær að Þórarinn Ingi Valdimarsson kemur inn í byrjunarlið Garðbæingana.
Þorvaldur Örlygsson þjálfari Stjörnunnar gerir tvær breytingar á byrjunarliði Stjörnunnar frá 1-1 jafnteflinu gegn FH fyrr í vikunni. Ein af breytingunum eru þær að Þórarinn Ingi Valdimarsson kemur inn í byrjunarlið Garðbæingana.
Það er svosem ekki frásögu færandi nema fyrir þær sakir að þetta er í fyrsta sinn sem Þórarinn Ingi er í byrjunarliði Stjörnunnar í tæp tvö ár, eða frá 23. júní árið 2019 er Stjarnan mætti Fylki.
Þar sleit Þórarinn Ingi krossband í hægri hné á 13. mínútu leiksins en hann hefur komið við sögu í síðustu leikjum Stjörnunnar sem varamaður.
Hann missti af seinni hluta tímabilsins 2019 sem og öllu tímabilinu í fyrra. Þórarinn kom við sögu í tveimur leikjum Stjörnunnar í Lengjubikarnum í vetur. Þórarinn var ónotaður varamaður þegar Stjarnan gerði 0-0 jafntefli gegn Leikni fyrr í sumar en það var í fyrsta sinn sem Þórarinn Ingi var í hóp hjá Stjörnunni í Íslandsmótinu frá meiðslunum.
Smelltu hér fyrir beina textalýsingu
Athugasemdir