Danski markvörðurinn Jonas Lössl er mögulega á leið í leikbann í dönsku úrvalsdeildinni eftir ummæli sem hann lét falla um dómara eftir leik gegn Silkeborg á dögunum.
Leikurinn endaði 3-3 en Lössl var virkilega ósáttur við að síðasta mark Silkeborg hafi fengið að standa. Leikmenn Midtjylland voru þá ósáttir við að mark hafi verið tekið af þeim í uppbótartímanum.
Eftir leik sagði Lössl: „Hann missti algjörlega tökin á leiknum. Hann var með mikið af vitlausum dómum og mér fannst hann klárlega dæma gegn okkur."
Danska fótboltasambandið er með málið á borði sínu og gæti Lössl því verið á leið í leikbann.
Það væru góðar fréttir fyrir Elías Rafn Ólafsson, landsliðsmarkvörð Íslands, sem hefur þurft að gera sér það að góðu að vera varamarkvörður fyrir Lössl á tímabilinu. Elías gæti þá fengið tækifæri til að sanna sig.
Athugasemdir