Þjóðadeildin: Austurríki rétt bjargaði sér í Kósovó - Malta í dauðafæri

Kósovó fékk bestu færin í nokkuð jöfnum og tíðindalitlum slag gegn Austurríki og verðskulduðu heimamenn að taka forystuna þegar Fisnik Asllani skoraði á 70. mínútu.

Christoph Lang, sem kom inn af bekknum á 62. mínútu, bjargaði stigi fyrir Austurríki með frábæru skallamarki á lokakaflanum svo lokatölur urðu 1-1.

Austurríki er á toppi riðilsins með 8 stig eftir 4 umferðir og kemur Kósovó í öðru sæti með 5 stig.

Lærlingar Heimis Hallgrímssonar í írska landsliðinu sitja í þriðja sæti sem stendur. Þeir geta stolið öðru sætinu af Kósovó með sigri gegn Ísrael í kvöld.

Á sama tíma hafði Malta betur gegn Andorra og er í dauðafæri á að komast upp um deild.

Teddy Teuma, leikmaður Sliema í heimalandinu, gerði eina mark leiksins í naumum sigri. Malta er með 7 stig eftir þrjár umferðir og getur tryggt sér sæti í C-deildinni fyrir næstu Þjóðadeild með sigri í næsta leik.

Kósovó 1 - 1 Austurríki
1-0 Fisnik Asllani ('70 )
1-1 Christoph Lang ('85 )

Malta 1 - 0 Andorra
1-0 Teddy Teuma ('49 )