Gary Cotterill, fréttamaður á Sky Sports, heldur áfram að eltast við hollenska stjórann Erik ten Hag og hefur gert síðan hann var ráðinn stjóri Manchester United.
Ten Hag var mættur á Selhurst Park þar sem hann sá Crystal Palace vinna United, 1-0.
Cotterill fór til Hollands í vikunni sem Ten Hag var ráðinn stjóri United og elti hann um Amsterdam.
Ten Hag var augjóslega orðinn þreyttur á honum þá og enn þreyttari núna eftir að Cotterill reyndi að ná tali af honum eftir lokaumferðina í ensku úrvalsdeildinni.
Cotterill spurði Ten Hag hvort hann væri spenntur að byrja hjá United en öryggisvörður stjórans stóð á milli og kom í veg fyrir að Cotterill kæmist að honum.
„Ekki ýta mér, þú ert í sjónvarpinu. Það er ekki gott að láta öryggisvörðinn taka sig föstum tökum, Þú ert hjá Manchester United, þetta er risastórt félag," sagði Cotterill áður en Ten Hag steig inn í bifreið sína.
"Don't push me, you're on television. It doesn't look good being handled by security, Manchester United are a big club Erik!"
— Chris Hammer (@ChrisHammer180) May 22, 2022
Erik Ten Hag and his security guy not impressed with Gary Cotterill welcoming him to the Premier League #mufc pic.twitter.com/3g1fW7x1xV
Athugasemdir