Lestu um leikinn: Valur 3 -  2 Breiðablik

Það hlýtur að vera gott að enda þetta á sigri?
"Já það er alltaf gott að vinna og mjög gott að enda síðasta leikinn á móti Breiðablik á sigri."

En ef þú lítur yfir tímabilið. Þetta hljóta að vera vonbrigði?
"Já við náttúrulega vildum fara í baráttuna eða sem sagt meiri baráttu um titilinn. Það gekk ekki. Spiluðum samt marga góða leiki og fengum fullt af færum til að klára ýmsa leiki í sumar. Það gekk ekki upp. Neinei við erum ekkert sátt við að vera í fjórða sæti."

Þetta er þitt fyrsta tímabil sem þjálfari hjá Val Kom eitthvað þér á óvart varðandi deildina?
"Auðvitað veit ég meira núna heldur en í nóvember í fyrra. Það sem hefur komið mér mest á óvart er að stjórnarmenn í félögum skuli vera að taka viðtal við mann alltaf eftir leik. Aðeins að klína á þá! Nei, nei þetta er hörkudeild og auðvitað er ég búin að læra heilan helling" En Pétur hefur oft lent í því að félögin hafi sjálf þurft að taka viðtöl fyrir Stöð2 Sport eftir leiki í Pepsideild kvenna.

Nú var ykkur spáð toppbaráttunni fyrir mót. Þú ert með marga mjög góða leikmenn. Mun Valur hreinsa til eftir tímabilið?
"Hvaða bull er þetta? Við sjáum hvernig staðan er. Þetta eru allt saman frábærir leikmenn. Það er enginn hreinsun í gangi hjá Val. "

Nú enda Blikar sem Íslandsmeistarar. Þær eru með frekar ungt lið, það er ekkert sem þér kitlar að gera að yngja liðið upp?
"Við erum bara með samningsbundna leikmenn hjá Val. Það skiptir engu máli hvað þær eru gamlar ef þær eru góðar."

Nánar er rætt við Pétur um það sem hefði mátt betur fara í sumar, framhaldið og fleira.