Ítalía: Moise Kean sjóðandi heitur - Albert ónotaður varamaður

Albert Guðmundsson var ónotaður varamaður þegar Fiorentina lagði Pisa í botnbaráttuslag í kvöld. Albert er að jafna sig af meiðslum.

Fiorentina var með öll völd á vellinum í fyrri hálfleik. Þeim tókst hins vegar að koma boltanum aðeins einu sinni í netið. Það gerðist eftir rúmlega tíu mínútna leik þegar boltinn barst til Kean inn á teignum og hann skoraði af öryggi. Hann hefur skorað þrjú mörk í síðustu þremur leikjum.

Stjóri Pisa gerði þrefalda breytingu í hálfleik en liðinu tókst ekki að ógna David De Gea í marki Fiorentina mikið og mark Kean í fyrri hálfleiknum reyndist sigurmarkið.

Fiorentina er í 16. sæti með 24 stig eins og Cremonese og Lecce sem eru í sætunum fyrir neðan. Pisa er í 19. sæti með 15 stig.