Fyrirliðabandið rifið af Orra áður en hann skoraði

Ísland tapaði fyrri leiknum 2-1 á útivelli og var Orri Steinn búinn að skora strax á 2. mínútu í dag. Staðan er því orðin 2-2 í einvíginu.

Orri er með fyrirliðaband Íslands í leiknum en Mergim Vojvoda varnarmaður Kósovó reif það af honum í aðdraganda marksins. Orri skoraði því og fagnaði án bandsins en hljóp aftur til baka að sækja það til að setja aftur á sig.

Orri skoraði með góðu viðstöðulausu skoti eftir hornspyrnu frá Alberti Guðmundssyni.