Kórdrengir eru til alls líklegir í 2. deild í sumar eftir að hafa komist upp um tvær deildir á tveimur árum.
Alexander Már Þorláksson, sóknarmaður Fram, mætti í síðasta þátt af Ástríðunni hér á Fótbolta og var þar gestur Ingólfs Sigurðssonar.
Alexander Már var markahæsti leikmaður 3. deildarinnar í fyrra þegar hann skoraði 28 mörk í 21 leik með KF, sem fór upp um deild. Alexander Már fór yfir ótrúlegt tímabil sitt í fyrra, skoðaði helstu fréttir undanfarna daga og ræddi getumuninn á milli deilda.
Alexander Már var markahæsti leikmaður 3. deildarinnar í fyrra þegar hann skoraði 28 mörk í 21 leik með KF, sem fór upp um deild. Alexander Már fór yfir ótrúlegt tímabil sitt í fyrra, skoðaði helstu fréttir undanfarna daga og ræddi getumuninn á milli deilda.
Alexander hefur spilað í öllum deildum karla á Íslandi, nema þeirri neðstu. Hann segir að gæðamunurinn á milli deilda sé ekki það mikill.
„Munurinn er eins og í 3. deildinni, þá eru liðin sem koma upp úr 4. deildinni oft í erfiðleikum því þau eru oft ekki í sama standi og hin liðin. Svo eru til dæmis Kórdrengir, sem voru í 3. deild í fyrra (eftir að hafa komist upp úr 4. deild árið áður), og margir segja að þeir gætu spilað í 1. deild. Þeir gætu unnið slakari liðin í 1. deild, þeir myndu gefa öllum liðum í 1. deild leik," sagði Alexander.
„Munurinn á deildunum liggur að mestu út frá standinu á liðunum. Í 1. deild eru allir í standi og í 2. deild líka, en í 3. deild eru sumir sem eru að leika sér. Í fyrra í KF myndi ég ekki segja að við höfum verið með næst besta liðið, en við æfðum vel, vorum í góðu standi og förum upp."
„Það er alltaf einhver gæðamunur, en við höfum alveg séð í gegnum tíðina lið úr 3. deild slá út lið úr 1. deild í bikarnum. Það eru ýmis dæmi. Munurinn er ekki eins mikill og fólk heldur," sagði Alexander.
Svo virðist sem að stærstu skrefin séu að fara upp úr 4. deild í 3. deild og upp úr 1. deild í Pepsi Max-deildina.
Umræðuna má sjá í heild sinni hér að neðan.
Alexander í leik með KF gegn Augnabliki.
Athugasemdir
