Fotbolti.net
23.12.20 - 17:30
Guðmundur Aðalsteinn Ásgeirsson

Ian Holloway hættur með Grimsby (Staðfest)

Holloway er hættur með Grimsby.

Holloway er hættur með Grimsby.

Canon

Mynd: Getty Images

Ian Holloway er hættur sem stjóri Grimsby Town í ensku D-deildinni.
Hinn 57 ára gamli Holloway tilkynnti það á samfélagsmiðlum að hann hefði sagt starfi sínu lausu.

Hann sagði að það hefði verið erfið ákvörðun að hætta en hann hefði tekið hana eftir að John Fenty, sem á stærstan hluta í Grimsby, hefði tjáð sér ætlun sína til að selja félagið.

„Það er kominn tími á nýtt upphaf hjá félaginu á öllum vígstöðum," skrifaði Holloway.

Holloway er mjög reyndur stjóri sem hefur á síðustu árum stýrt Blackpool, Crystal Palace, Millwall og Queens Park Rangers. Hann yfirgefur Grimsby þegar liðið er í 20. sæti ensku D-deildarinnar.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.