Lazio 2 - 1 Bologna
1-0 Luis Alberto ('54)
2-0 Ciro Immobile ('76)
2-1 Lorenzo De Silvestri ('91)
1-0 Luis Alberto ('54)
2-0 Ciro Immobile ('76)
2-1 Lorenzo De Silvestri ('91)
Lazio hefur farið illa af stað á nýju tímabili í ítalska boltanum en liðið gerði þó frábærlega að leggja Borussia Dortmund að velli í Meistaradeildinni í miðri viku.
Í kvöld tók Lazio á móti lærisveinum Sinisa Mihajlovic í Bologna og úr varð hörkuleikur þar sem gestirnir voru betri stærsta hluta leiksins. Andri Fannar Baldursson kom inn á 72. mínútu og fékk því að spila síðustu 20 mínútur leiksins.
Þetta var fyrsti leikur Andra Fannars á nýju deildartímabili en hann kom við sögu í sjö leikjum á síðustu leiktíð.
Andri Fannar er aðeins 18 ára gamall en hann er uppalinn hjá Breiðabliki og á einn leik að baki með meistaraflokki í Pepsi-deildinni sumarið 2018, aðeins 16 ára gamall.
Luis Alberto kom Lazio yfir eftir skyndisókn snemma í síðari hálfleik og tvöfaldaði Ciro Immobile forystuna tuttugu mínútum síðar. Markavélin skoraði með skalla eftir skemmtilega fyrirgjöf frá Mohamed Fares, sem tók bakfallsspyrnu til að koma knettinum aftur inn í vítateiginn.
Bologna vantaði gæðin á síðasta þriðjungnum og þá átti Pepe Reina stórleik á milli stanga Lazio en hann fékk tækifæri á meðan Thomas Strakosha var hvíldur.
Lorenzo De Silvestri náði að skora fyrir gestina í uppbótartíma en það nægði ekki og 2-1 sigur Lazio staðreynd. Lazio er með sjö stig eftir fimm umferðir á meðan Bologna er aðeins með þrjú stig.
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Napoli | 14 | 10 | 1 | 3 | 22 | 12 | +10 | 31 |
| 2 | Inter | 14 | 10 | 0 | 4 | 32 | 13 | +19 | 30 |
| 3 | Milan | 13 | 8 | 4 | 1 | 19 | 9 | +10 | 28 |
| 4 | Roma | 14 | 9 | 0 | 5 | 15 | 8 | +7 | 27 |
| 5 | Bologna | 14 | 7 | 4 | 3 | 23 | 12 | +11 | 25 |
| 6 | Como | 14 | 6 | 6 | 2 | 19 | 11 | +8 | 24 |
| 7 | Juventus | 14 | 6 | 5 | 3 | 18 | 14 | +4 | 23 |
| 8 | Sassuolo | 14 | 6 | 2 | 6 | 19 | 17 | +2 | 20 |
| 9 | Cremonese | 14 | 5 | 5 | 4 | 18 | 17 | +1 | 20 |
| 10 | Lazio | 14 | 5 | 4 | 5 | 16 | 11 | +5 | 19 |
| 11 | Udinese | 14 | 5 | 3 | 6 | 15 | 22 | -7 | 18 |
| 12 | Atalanta | 14 | 3 | 7 | 4 | 17 | 17 | 0 | 16 |
| 13 | Cagliari | 14 | 3 | 5 | 6 | 14 | 19 | -5 | 14 |
| 14 | Genoa | 14 | 3 | 5 | 6 | 15 | 21 | -6 | 14 |
| 15 | Parma | 14 | 3 | 5 | 6 | 10 | 17 | -7 | 14 |
| 16 | Torino | 13 | 3 | 5 | 5 | 12 | 23 | -11 | 14 |
| 17 | Lecce | 14 | 3 | 4 | 7 | 10 | 19 | -9 | 13 |
| 18 | Pisa | 14 | 1 | 7 | 6 | 10 | 19 | -9 | 10 |
| 19 | Verona | 14 | 1 | 6 | 7 | 11 | 21 | -10 | 9 |
| 20 | Fiorentina | 14 | 0 | 6 | 8 | 11 | 24 | -13 | 6 |
Athugasemdir
