Hafrún Rakel Halldórsdóttir gekk í raðir Breiðabliks frá Aftureldingu eftir tímabilið í fyrra. Hafrún hefur, þrátt fyrir ungan aldur, leikið tvö heil tímabil með Aftureldingu og kom einnig við sögu í níu leikjum sumarið 2017.
Hafrún er í U19 ára landsliðinu og hefur alls leikið 24 yngri landsliðsleiki og skorað í þeim þrjú mörk. Á síðustu leiktíð skoraði hún fimm mörk í sautján leikjum með Aftureldingu í Inkasso-deildinni. Í dag sýnir Hafrún á sér hina hliðina.
Hafrún er í U19 ára landsliðinu og hefur alls leikið 24 yngri landsliðsleiki og skorað í þeim þrjú mörk. Á síðustu leiktíð skoraði hún fimm mörk í sautján leikjum með Aftureldingu í Inkasso-deildinni. Í dag sýnir Hafrún á sér hina hliðina.
Fullt nafn: Hafrún Rakel Halldórsdóttir
Gælunafn: Hef heyrt Haffs og Haffa en það gengur ekkert að festa það
Aldur: 17 ára
Hjúskaparstaða: í sambandi
Hvenær lékstu þinn fyrsta leik með meistaraflokki: í maí 2017
Uppáhalds drykkur: Grænn kristall í dós
Uppáhalds matsölustaður: Ísey skyrbar er frábær
Hvernig bíl áttu: Á ekki bíl en mamma er dugleg að lána
Uppáhalds sjónvarpsþáttur: Friends
Uppáhalds tónlistarmaður: Post Malone
Fyndnasti Íslendingurinn: Hef gaman af Steinda Jr
Hvað viltu í bragðarefinn þinn: Hockey Pulver, lúxus dýfa og daim er góð blanda
Hvernig hljómar síðasta sms sem þú fékkst: “hæ viltu fara á Esjuna?”
Hvaða liði myndir þú aldrei spila með: Ekkert sem mér dettur í hug í fljótu bragði
Besti leikmaður sem þú hefur mætt: Hlín Eiríks
Besti þjálfarinn sem hefur þjálfað þig: Steini Halldórs og Júlli
Mest óþolandi leikmaður sem þú hefur mætt: Evelina í sænska landsliðinu er óþolandi góð
Sætasti sigurinn: Sigurinn á Þýskalandi á La Manga stendur upp úr
Mestu vonbrigðin: Held að mesti skellurinn sé að hafa ekki getað farið í milliriðilinn í Hollandi um páskana vegna covid19
Uppáhalds lið í enska: Manchester United
Ef þú fengir að velja einn leikmann úr öðru íslensku liði í þitt lið: Myndi ekki vera á móti því að fá Evu Rut úr Fylki
Efnilegasti knattspyrnumaður/kona landsins: Sara Dögg Ásþórsdóttir
Fallegasti knattspyrnumaðurinn á Íslandi: Jason Daði Svanþórsson
Fallegasta knattspyrnukonan á Íslandi: Guðrún Elísabet
Besti knattspyrnumaðurinn frá upphafi: Messi
Hver er mesti höstlerinn í liðinu: Kristjana Sigurz er öflug
Uppáhalds staður á Íslandi: Vel kosy í bústaðnum
Segðu okkur frá skemmtilegu atviki sem gerst hefur í leik: Það var einhver meistari sem hrækti viljandi framan í mig
Hvað er það síðasta sem þú gerir áður en þú ferð að sofa: Tek einn Friends þátt
Fyrir utan knattspyrnu, fylgist þú með öðrum íþróttum: Fylgist með úrslitakeppninni í handbolta en væri þakklát fyrir hvað sem er núna
Í hvernig fótboltaskóm spilar þú: Bleikum Nike Mercurial
Í hverju varstu/ertu lélegastur í skóla: Er hrikalega slöpp í landafræði
Vandræðalegasta augnablik: Eins leiðinlega og það hljómar þá man ég ekki eftir neinu rosalegu en ég gleymdi einu sinni takkaskónum mínum uppi á hóteli fyrir landsliðsæfingu í Svíþjóð og þurfti að æfa í takkaskóm af farastjóranum sem voru 5 númerum of stórir, það var ekki skemmtilegt og frekar vandræðalegt þegar ég þurfti að tilkynna þjálfaranum mínum það vegna þess að það eina sem við áttum að muna eftir voru takkaskór
Hvaða þrjá leikmenn tækir þú með þér á eyðieyju: Tæki Sveindísi fyrir nammið og stemninguna, Evu Rut fyrir góða tóna og Valgerði Ósk til að halda mér við efnið
Sturluð staðreynd um sjálfan þig: Hef handleggsbrotnað 6 sinnum
Hvaða samherji hefur komið þér mest á óvart eftir að þú kynntist honum og af hverju: Agla María, gerði mér einfaldlega bara ekki grein fyrir hversu góð hún er
Hverju laugstu síðast: Var búin að steingleyma teams fundi í skólanum og svaf yfir mig, laug að kennaranum að tölvan væri biluð
Hvað er leiðinlegast að gera á æfingum: Hita upp, vel boring
Nú er tími Covid-19 hvernig er “venjulegur” dagur: Dagurinn er bara frekar basic, vakna og fer að læra og tek æfingu seinnipartinn. Restin af deginum fer í að chilla, horfa á þætti og borða með fjölskyldunni.
Þú getur keypt Hafrúnu í Draumaliðsdeild 50skills - Smelltu hér til að taka þátt í leiknum!
Athugasemdir