Bernardo Silva, leikmaður Manchester City og portúgalska landsliðsins, er orðaður við Bayern München í enska blaðinu Daily Star í dag.
Vincent Kompany tók á dögunum við Bayern og vill hann fá fyrrum liðsfélaga sinn hjá Man City með sér.
Samkvæmt Daily Star er Bernardo með 50 milljóna punda klásúlu í sumarglugganum og eru nokkur félög að íhuga að virkja það ákvæði.
Þessa stundina er Bernardo staddur á EM í Þýskalandi með portúgalska landsliðinu og mun framtíð hans því ekki ráðast fyrr en í næsta mánuði.
Á hverju ári er Bernardo sagður opinn fyrir því að yfirgefa Manchester City, en alltaf endar hann á því að taka annað tímabil með liðinu. Verður einhver breyting á því í sumar?
Athugasemdir