Leeds hafði betur gegn Newcastle í kvöld, 2-1. Flottur sigur hjá lærisveinum Marcelo Bielsa.
Það átti sér stað athyglisvert atvik í leiknum, á milli Fabian Schar, varnarmanns Newcastle, og Rodrigo, sóknarmanns Leeds.
Schar lá í jörðinni og þá kom Rodrigo að honum. Rodrigo sagði eitthvað sem varð til þess að Schar reis upp og fór á eftir Spánverjanum. Netverjar velta því fyrir sér hvort Rodrigo hafi gert meira en að nota orð, það eru vangaveltur um það hvort hann hafi hrækt á Schar en erfitt er að dæma um það á myndunum.
Schar fór upp að Rodrigo sem henti sér síðan í jörðina. Báðir leikmenn uppskáru gult spjald.
Samkvæmt Phil Hay, blaðamanni The Athletic, þá sagði Rodrigo eitthvað sem Schar tók ekki vel í. Miðað við orð Hay þá hrækti Rodrigo ekki á varnarmann Newcastle.
— Stan Collymore (@StanCollymore) January 26, 2021
My understanding on the Rodrigo incident is that he says it was an exchange of words with Schar. Said something which riled Schar. #lufc
— Phil Hay (@PhilHay_) January 26, 2021
Athugasemdir