Sjáðu mörkin: Skagamenn unnu Val

Skagamenn unnu síðasta leik sinn í Lengjubikarnum þetta árið er liðið marði 2-1 sigur á Val í Akraneshöllinni í kvöld.

Baldvin Þór Berndsen og Viktor Jónsson skoruðu mörk ÍA á fyrsta hálftímanum en Tryggvi Hrafn Haraldsson gerði mark Vals undir lok hálfleiksins.

ÍA er í öðru sæti B-riðils með 7 stig á meðan Valur var að tapa sínum fyrsta leik og er því í 3. sæti með 6 stig.

Völsungur dró sig úr keppni eftir tvö stórtöp gegn ÍA og Þór, en samkvæmt heimasíðu KSÍ voru þau úrslit felld úr gildi.

Þór og Valur mætast í hreinum úrslitaleik um efsta sætið þann 10. mars næstkomandi. Þór er á toppnum með 7 stig og nægir eitt stig til að taka toppsætið.