Viktor Gyökeres og Andrea Berta.
Arsenal er búið að staðfesta ein eftirvæntustu félagaskipti sumarsins. Sænski framherjinn Viktor Gyökeres er búinn að skrifa undir samning við félagið.
Gyökeres kemur úr röðum Sporting CP og er talið að Arsenal greiði tæplega 75 milljónir evra til að kaupa hann. Arsenal borgar 63 milljónir í sumar og mun restin fylgja í árangurstengdar aukagreiðslur.
Arsenal hefur verið á höttunum eftir framherja í langan tíma og var sérstaklega mikil þörf á að kaupa slíkan í janúarglugganum, en tilraunir félagsins báru ekki árangur. Núna telur stjórn Arsenal og Mikel Arteta leikmannahópinn vera orðinn nægilega góðan til að veita bestu félagsliðum heims alvöru samkeppni.
Gyökeres er sjöundi leikmaðurinn sem gengur til liðs við Arsenal í sumar eftir Martín Zubimendi, Noni Madueke, Cristhian Mosquera, Christian Nörgaard, Kepa Arrizabalaga og Marcell Washington.
Washington er vinstri bakvörður sem verður 18 ára í ágúst. Hann kemur úr röðum Chelsea og er sonur Ryan Bertrand.
Welcome to Arsenal, Viktor Gyökeres ????
— Arsenal (@Arsenal) July 26, 2025
Athugasemdir
