Doku mættur aftur til æfinga - Ramadan hefur ekki áhrif á liðsval

Doku hefur verið fjarverandi síðan í sigri gegn Galatasaray í Meistaradeildinni seint í janúar vegna meiðsla í kálfa.

„Hann mætti aftur til æfinga í gær," sagði Guardiola sem var í kjölfarið spurður um mögulega þátttöku leikmannsins á morgun? „Ég veit það ekki. Við ræðum við læknana."

Vita hvernig þeir höndla þetta
Ýmislegt kom við sögu á fréttamannafundi Guardiola, þar á meðal föstumánuður Múslima.

City er með ansi marga múslima í leikmannahópi sínum en nú er Ramadan í gangi og þeir fasta á meðan sólin er á lofti. Guardiola segir að þetta hafi engin áhrif á liðsval sitt.

„Við erum með góða næringarfræðinga og þetta er allt vel skipulagt. Leikmennirnir eru vanir því að spila í gegnum þetta tímabil. Þeir vita hvernig þeir eiga að höndla það," segir Guardiola.