Fotbolti.net
27.03.21 - 06:00
Brynjar Ingi Erluson

Eder frá Kína til Sao Paulo (Staðfest)

Eder er mættur aftur heim til Brasilíu

Eder er mættur aftur heim til Brasilíu

Canon

Mynd: Getty Images

Eder, fyrrum leikmaður Inter og ítalska landsliðsins, er genginn til liðs við Sao Paulo í Brasilíu en hann kemur til liðsins frá Jiangsu Suning í Kína.
Þessi lágvaxni framherji er 34 ára gamall og hefur spilað í Kína síðustu þrjú árin.

Hann er fæddur í Brasilíu en flutti 19 ára gamall til Ítalíu og samdi við Empoli. Eder spilaði með fjölmörgum liðum á Ítalíu en þar má helsta nefna Sampdoria, Brescia, Cesena og Inter.

Eder skoraði 60 mörk í deildinni áður en hann fór til Kína og frammistaða hans á Ítalíu skilaði honum sæti í ítalska landsliðinu árið 2015. Hann fékk ítalskt vegabréf þar sem langa afi hans var ítalskur.

Hann spilaði 26 leiki og skoraði 6 mörk fyrir Ítalíu á tveimur árum frá 2015-2017.

Nú er hann mættur aftur til heimalandsins þar sem hann mun spila með Sao Paulo í A-deildinni. Eder gerði eins og hálfs árs samning.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.