Ítalía í dag - Inter og Napoli hnífjöfn

Inter og Napoli eru jöfn á stigum á toppi deildarinnar þegar fimm umferðir eru eftir. Þau eiga bæði 71 stig og skiptir markatalan engu máli ef þau enda jöfn, heldur munu liðin þurfa að keppa úrslitaleik sín á milli um Ítalíumeistaratitilinn.

Þetta hefur aðeins einu sinni áður gerst í sögu Serie A deildarinnar, þegar Bologna sigraði gegn Inter í úrslitaleik 1964 eftir að liðin höfðu endað jöfn á stigum á toppinum.

Inter tekur á móti Roma í afar spennandi slag í dag, áður en Napoli fær Torino í heimsókn í kvöld.

Evrópubaráttulið Atalanta, Juventus og Fiorentina eiga þá heimaleiki í dag þar sem þau þurfa öll á sigrum að halda, á meðan AC Milan heimsækir Íslendingalið Venezia til Feneyja.

Albert Guðmundsson mun líklega koma við sögu með Fiorentina gegn Empoli og svo Þórir Jóhann Helgason á mála hjá fallbaráttuliði Lecce sem heimsækir Atalanta. Þórir Jóhann hefur gefið tvær stoðsendingar í síðustu þremur deildarleikjum.

Að lokum taka lærisveinar hins eftirsótta Cesc Fábregas á móti Genoa.

Leikir dagsins:
10:30 Como - Genoa
10:30 Venezia - Milan
13:00 Fiorentina - Empoli
13:00 Inter - Roma
16:00 Juventus - Monza
18:45 Atalanta - Lecce
18:45 Napoli - Torino