Fotbolti.net
27.05.15 - 18:51
Arnar Geir Halldórsson

Advocaat yfirgefur Sunderland (Staðfest)

Dick Advocaat yfirgefur enska boltann eftir stutta dvöl

Dick Advocaat yfirgefur enska boltann eftir stutta dvöl

Canon

Mynd: Getty Images

Dick Advocaat mun ekki stýra liði Sunderland á næsta tímabili en þetta var staðfest á heimasíðu félagsins nú rétt í þessu.
Advocaat tók við liðinu af Gus Poyet í mars og tókst að bjarga liðinu frá falli í næstsíðustu umferðinni.

Sunderland vildi halda honum áfram við stjórnvölin en þessi 68 ára Hollendingur kveðst vera hættur að þjálfa félagslið.

„Á ákveðnum tímapunkti í lífinu verðuru að taka ákvarðanir og ég er 68 ára gamall. Það hafa mörg félög haft samband en í mínum huga var þetta spurning um Sunderland eða ekkert\".

„Ég vil þakka formanninum, þjálfarateyminu og auðvitað stuðningsmönnunum. Við gáfum allt sem við áttum í þetta verkefni og tókst að ná markmiðum okkar. Þessi tími hjá Sunderland er einn af hápunktunum á þjálfaraferlinum\",
sagði Advocaat þegar hann tilkynnti ákvörðun sína.

Heimild: Heimasíða Sunderland

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.