England: Man City marði sigur á Leeds og er tveimur stigum frá Arsenal

Manchester City er komið tveimur stigum á eftir Arsenal í titilbaráttunni eftir að hafa marið 1-0 sigur á Leeds á Elland Road í dag.

Dominic Calvert-Lewin fékk algert dauðafæri til að koma Leeds yfir snemma leiks. Fyrirgjöfin kom frá hægri og inn á Calvert-Lewin sem var einn á auðum sjó. Í stað þess að taka leggja hann fyrir sig ákvað hann að taka skotið í fyrsta og framhjá markinu.

Leeds fékk urmul af færum til þess að komast í forystu en var refsað fyrir að nýta ekki færin.

Rayan Ait-Nouri kom boltanum inn á Antoine Semenyo sem skoraði sigurmarkið undir lok fyrri hálfleiksins. Fjórtánda deildarmark Semenyo á tímabilinu sem hefur notið sín vel síðan hann kom til Man City frá Bournemouth.

Karl Darlow átti hörkuvörslu frá Marc Guehi í síðari hálfleiknum, en það fór aðeins um City-menn á lokamínútunum.

Leedsarar reyndu hvað þeir gátu til þess að troða inn jöfnunarmarki en það bar ekki árangur.

Man City hélt út og er nú komið aðeins tveimur stigum á eftir Arsenal í titilbaráttunni á meðan Leeds er í 15. sæti með 31 stig, sex stigum fyrir ofan fallsæti.