Afmælisbarnið Atli Guðnason lék leik númer 300 fyrir FH í dag þegar Hafnfirðingarnir tryggðu sér Evrópusæti næsta sumar með 3-0 sigur á Grindavík.
"Við lögðum upp með það til að byrja með í sumar að ná þessu Evrópusæti, það var gaman að vinna í dag en það var gaman að eiga þessi tvö litlu atriði (afmælið og leikjafjöldann) líka, 300 leikir er mikið, ég spilaði ekki fyrsta leikinn fyrr en um tuttugu ára svo þetta er mjög skemmtilegur áfangi."
"Við lögðum upp með það til að byrja með í sumar að ná þessu Evrópusæti, það var gaman að vinna í dag en það var gaman að eiga þessi tvö litlu atriði (afmælið og leikjafjöldann) líka, 300 leikir er mikið, ég spilaði ekki fyrsta leikinn fyrr en um tuttugu ára svo þetta er mjög skemmtilegur áfangi."
Lestu um leikinn: FH 3 - 0 Grindavík
Leikurinn í dag var í járnum allt fram á 50.mínútu þegar FH skoraði og mínútu síðar var McAusland rekinn útaf fyrir brot á Atla.
"Hann missti boltann of langt frá sér og klippti mig niður, Lennon var reyndar alveg brjálaður að ég stóð ekki upp og hjálpaði honum að ná þrennunni svo hann yrði markakóngur."
Sigurinn í dag var mikilvægur.
"Þetta var mjög mikilvægur leikur upp á framtíð félagsins svona án þess að vera segja eitthvað of mikið, við byrjuðum vel en duttum svo aðeins niður, svo tveggja mínútna kafli sem klárar leikinn og svo auto control hérna í restina."
Eftir 300 leiki, hvað hefur Atli að segja um sitt framhald í boltanum?
"Það er aldrei að vita hvað gerist, ég á eftir að taka ákvörðun svona þegar líður á veturinn en ég gef ekkert út um það núna."
Nánar er rætt við Atla í viðtalinu sem fylgir.
Athugasemdir