Arsenal áfrýjar brottvísun Dowman

Arsenal hefur áfrýjað brottvísun Max Dowman í leik liðsins gegn Fleetwood í deildabikarnum í gær.

Þessi 16 ára leikmaður fékk að líta beint rautt spjald á 85. mínútu fyrir viðbrögð sín eftir groddaralega tæklingu. Hann var talinn hafa sparkað í Harrison Neal, leikmann Fleetwood. Hann sparkaði ekki af fullum krafti en fótur hans kom við Neal.

„Þetta er ekki eiginlegt spark; hnéð á honum er í raun nú þegar í snertingu við hinn leikmanninn, þetta er meira eins og snögg hreyfing. Þetta er greinilega pirringur hjá Max Dowman eftir erfitt kvöld. Mér fannst rauða spjaldið strangt," segir Jobi McAnuff, sérfræðingur Sky Sports.

Eins og staðan er núna bíður Dowman þriggja leikja bann en Arsenal er þunnskipað í kantstöðunum. Liðið tapaði í vítakeppni gegn Fleetwood en leikur gegn Liverpool á Anfield á sunnudaginn í ensku úrvalsdeildinni.