Bikarmeistarar Vestra heimsóttu Íslandsmeistara Víkinga í árlega Meistari meistaranna keppninni þar sem Íslandsmeistarar síðasta árs mæta Bikarmeisturum.
Lestu um leikinn: Víkingur R. 4 - 0 Vestri
„Mér fannst þetta vera verðskuldað tap" sagði Daniel Osafo-Badu þjálfari Vestra eftir tapið í dag.
„Við vorum næst besta liðið í leiknum og næst besta liðið á töflunni svo að mínu viti var þetta sanngjarnt"
Það voru ekki margir sem bjuggust við því fyrir fram að Vestri yrði einhvern mótspyrna við hið ógnarsterka lið Víkinga en þeir áttu þó sín augnarblik í leiknum en vantaði örlítið upp á gæðin.
„Já í stöðunni 2-0 þá var augnarblik þar sem við hefðum mögulega getað snúið þessu en ef þú horfir á allt í heild sinni þá getum við lítið kvartað"
Þrátt fyrir tapið í dag þá er ýmislegt jákvætt sem Vestri getur tekið með sér úr þessum leik.
„Þetta voru 90 mínútur fyrir marga leikmenn sem hafa ekki fengið þær. Það er margt fyrir okkur að vinna í og við munum fara á æfingarsvæðið til þess að verða betri"
Vestri eru örlítið á eftir í undirbúningi fyrir sumarið en undirbúningstímabilið hefur ekki alveg verið dans á rósum fyrir vestan.
„Við erum á eftir en við höfum verið að bæta okkur. Þessi leikur sýndi okkur að við eigum enn eitthvað í land en það eru nokkrar vikur í tímabilið og ég er vongóður um að við verðum klárir þegar þegar það byrjar"
Hver eru markmið Vestra fyrir sumarið?
„Það er ekkert lið sem ég vill vera næst bestur á eftir, skulum bara segja það" sagði Daniel Osafo-Badu.
