Fotbolti.net
29.12.20 - 12:24
Magnús Már Einarsson

Diego Costa farinn frá Atletico Madrid (Staðfest)

Diego Costa getur fundið nýtt félag í janúar.

Diego Costa getur fundið nýtt félag í janúar.

Canon

Mynd: Getty Images

Atletico Madrid hefur samþykkt að rifta samningi sínum við framherjann Diego Costa en félagið greindi frá þessu í dag. Costa getur því gengið frítt til liðs við annað félag.

<i>„Félagið óskar framherjanum alls hins besta í næsta skrefi á ferlinum,"</I> segir í tilkynningu frá Atletico.
Costa hefur átt erfitt uppdráttar síðan hann kom aftur til Atletico Madrid frá Chelsea árið 2018. Meiðsli hafa sett strik í reikninginn og Costa hefur lítið spilað.

Hinn 32 ára gamli Costa hefur á þessu tímabili skorað tvö mörk í sjö leikjum með toppliði Atletico Madrid.

Costa gekk fyrst til liðs við Atletico Madrid árið 2010 en hann spilaði með Chelsea 2014-2017 áður en hann sneri aftur til Atletico.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.