Sveindís Jane Jónsdóttir, leikmaður Kristianstad, var borin af velli eftir fjörutíu mínútna leik gegn Växjö í sænsku Damallsvenskan í kvöld.
Sveindís var á sínum stað í byrjunarliði liðsins en gat ekki haldið leik áfram.
Sveindís var á sínum stað í byrjunarliði liðsins en gat ekki haldið leik áfram.
Í grein Aftonbladet kemur fram að Sveindís hafi fest hægri fótinn, stoðfótinn, í gervigrasinu og snerist óeðlilega upp á fótinn, Sveindís var að elta boltann.
Sveindís öskraði og bergmálaði öskur hennar um Visma leikvanginn í Växjö. Hún lá eftir á vellinum í nokkrar mínútur á meðan hlúð var að henni. Hún fór svo af velli á börum með vafning um hægra hnéð.
Ljóst að meiðslin eru mögulega alvarleg og nánar verður fjallað um stöðuna á Sveindísi þegar meira kemur í ljós.
Athugasemdir