Ndiaye á leið til Tottenham - Richarlison snýr aftur til Everton

Ndiaye er 26 ára og hefur verið stórkostlegur með Everton síðan hann kom frá Marseille fyrir tveimur árum. Hann hefur skorað 15 deildarmörk á fyrstu tveimur tímabilum sínum hjá félaginu en lék áður með Sheffield United þar sem hann hóf atvinnumannaferilinn.

David Ornstein segir Tottenham hafa náð samkomulagi við Everton um kaup á Ndiaye. Leikmaðurinn á þó enn eftir að semja við Tottenham um kaup og kjör en ekki er búist við að það standi í vegi fyrir félagaskiptunum.

Everton fær Richarlison aftur í sínar raðir en Brasilíumaðurinn gekk einmitt til liðs við Tottenham frá Everton fyrir fjórum árum. Hann er nú 29 ára og er enn í miklum metum hjá stuðningsmönnum félagsins eftir fjögur ár hjá Everton.

Richarlison skoraði 53 mörk í 152 leikjum fyrir Everton. Hann var einu sinni valinn leikmaður ársins hjá félaginu og hafði árið áður verið útnefndur besti ungi leikmaður þess.

Ornstein tekur þó fram að ekki sé um bein leikmannaskipti að ræða heldur séu þetta tvö aðskilin félagaskipti.

???? EXCL: Agreement in principle reached for Iliman Ndiaye to join Tottenham Hotspur from Everton & Richarlison to move opposite way in separate transfers. Deals for 26yo #EFC attacker + 29yo #THFC forward subject to personal terms / medicals @TheAthleticFC https://t.co/R0KGDjBlKc

— David Ornstein (@David_Ornstein) August 30, 2026