„Þetta var geggjaður dagur, það var geggjað að vinna 7-2. Við lentum 1-0 undir og vorum bara lélegir til að byrja með, við komum eitthvað illa stemmdir í þetta, kannski var eitthvað hátt spennustig á okkur. En svo bara opnuðust einhverjar flóðgáttir, við vorum 4-1 yfir í hálfleik og svo 7-1 yfir, þetta var geggjað í dag," sagði Guðmundur við Fótbolta.net.

„Við erum bara orðnir óstöðvandi og ég vona bara að við höldum því áfram út seasonið. Við getum bætt stigamet þannig við höfum ennþá að einhverju að keppa."

Guðmundur segir að Víkingur sé klárlega besta liðið í 1. deildinni en veit ekki hvað framtíðin ber í skauti sér. 

„Ég er eiginlega ekkert búinn að hugsa út í það, ég er samningsbundinn KR á næsta ári og ég hef alltaf sagt að ef ég verð í Pepsi þá spila ég með KR. Ég ætla ekkert að pæla í þessu, ég pæli í þessu seinna," segir Guðmundur.