Frosinone og Salernitana áttust við í nýliðaslag í eina leik kvöldsins í ítalska boltanum og tókst Frosinone að fella Salernitana niður um deild með þægilegum sigri á heimavelli.

Hinn bráðefnilegi Matías Soulé, sem er á láni frá Juventus, kom heimamönnum yfir snemma leiks með marki úr vítaspyrnu.

Marco Brescianini tvöfaldaði forystuna á 25. mínútu og var staðan 2-0 allt þar til á lokakaflanum. Salernitana fékk tækifæri til að minnka muninn en nýtti ekki og að lokum var það Nadir Zortea sem gerði út um viðureignina á 85. mínútu, eftir stoðsendingu frá Brescianini.

Salernitana er stærðfræðilega fallið úr ítölsku deildinni þegar það eru fjórar umferðir eftir af leiktíðinni, en Frosinone er þremur stigum fyrir ofan fallsvæðið eftir þennan sigur.