Hamrarnir komust í 8-liða úrslit Evrópudeildarinnar á dögunum en töpuðu þar gegn Bayer Leverkusen eftir umdeildan seinni leik í London, þar sem Moyes og lærisveinar hans voru ósáttir með dómgæsluna.

   19.04.2024 08:30

Moyes mjög ósáttur - „Hefði átt að læra spænskuna betur"

Moyes er nýorðinn 61 árs gamall og verður samningslaus eftir tímabilið, en hávær hluti stuðningsmannahóps West Ham vill sjá hann vera rekinn úr starfi þrátt fyrir að hafa leitt félagið til sigurs á langþráðum Evróputitli í fyrra.

„Það sem skiptir máli er að allir aðilar séu sáttir. Við munum setjast við samningaborðið eftir að leiktíðinni lýkur og getum séð til hvað gerist í kjölfarið af því," sagði Moyes í dag. „Það hefur engin ákvörðun verið tekin. Ég og stjórn félagsins erum sammála um að besti tíminn fyrir nýjar viðræður sé eftir að keppnistímabilinu lýkur."

Sky Sports og fleiri miðlar á Bretlandseyjum halda því þó fram að David Sullivan, eigandi West Ham, sé þegar búinn að setja sig í samband við nokkra einstaklinga sem gætu tekið við þjálfun liðsins. Þar eru Rúben Amorim og Julen Lopetegui helst nefndir til sögunnar.

Lokaleikur West Ham verður 19. maí gegn núverandi Englandsmeisturum Manchester City.