Real Sociedad 0 - 1 Real Madrid
0-1 Arda Guler ('29 )
0-1 Arda Guler ('29 )
Tyrkneska ungstirnið Arda Güler var í byrjunarliði Real Madrid á útivelli gegn Real Sociedad í efstu deild spænska boltans í kvöld.
Þetta var fyrsti byrjunarliðsleikur Güler í spænsku deildinni og nýtti hann tækifærið með því að skora strax á 29. mínútu, eftir lága fyrirgjöf frá Dani Carvajal og varnarmistök í liði heimamanna.
Guler gerði vel að nýta sér varnarmistökin til að skora framhjá Alex Remiro og hélt Takefusa Kubo að hann hefði jafnað leikinn þremur mínútum síðar, en eftir athugun í VAR-herberginu var ekki dæmt mark vegna brots í aðdragandanum.
Staðan var því 0-1 í leikhlé og reyndu heimamenn að sækja meira í síðari hálfleik, án árangurs.
Sterk varnarblokk Real Madrid hélt út venjulegan leiktíma og uppbótartíma til að landa sigri á erfiðum útivelli og setja níunda fingurinn á Spánarmeistaratitilinn.
Real er með fjórtán stiga forystu á toppinum þegar fimm umferðir eru eftir, en næstu lið fyrir neðan eiga leik til góða.
Carlo Ancelotti hvíldi lykilmenn á borð við Vinicius Junior, Federico Valverde og Jude Bellingham í kvöld enda er gríðarlega mikilvægur slagur gegn FC Bayern framundan í undanúrslitum Meistaradeildarinnar komandi þriðjudagskvöld.
Þetta gæti reynst svekkjandi tap fyrir Sociedad sem er í harðri evrópubaráttu við Real Betis og Valencia.
Stöðutaflan
Spánn
La Liga - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Real Madrid | 36 | 29 | 6 | 1 | 83 | 22 | +61 | 93 |
2 | Barcelona | 35 | 23 | 7 | 5 | 72 | 43 | +29 | 76 |
3 | Girona | 36 | 23 | 6 | 7 | 75 | 45 | +30 | 75 |
4 | Atletico Madrid | 36 | 23 | 4 | 9 | 67 | 39 | +28 | 73 |
5 | Athletic | 36 | 17 | 11 | 8 | 58 | 37 | +21 | 62 |
6 | Betis | 35 | 14 | 13 | 8 | 46 | 41 | +5 | 55 |
7 | Real Sociedad | 35 | 14 | 12 | 9 | 48 | 37 | +11 | 54 |
8 | Villarreal | 36 | 14 | 9 | 13 | 60 | 60 | 0 | 51 |
9 | Valencia | 35 | 13 | 9 | 13 | 37 | 39 | -2 | 48 |
10 | Getafe | 36 | 10 | 13 | 13 | 41 | 51 | -10 | 43 |
11 | Alaves | 36 | 11 | 9 | 16 | 34 | 45 | -11 | 42 |
12 | Sevilla | 36 | 10 | 11 | 15 | 47 | 50 | -3 | 41 |
13 | Osasuna | 36 | 11 | 8 | 17 | 40 | 54 | -14 | 41 |
14 | Vallecano | 36 | 8 | 14 | 14 | 29 | 44 | -15 | 38 |
15 | Celta | 36 | 9 | 10 | 17 | 42 | 54 | -12 | 37 |
16 | Las Palmas | 35 | 10 | 7 | 18 | 30 | 44 | -14 | 37 |
17 | Mallorca | 36 | 7 | 15 | 14 | 29 | 41 | -12 | 36 |
18 | Cadiz | 36 | 6 | 14 | 16 | 25 | 49 | -24 | 32 |
19 | Granada CF | 36 | 4 | 9 | 23 | 37 | 70 | -33 | 21 |
20 | Almeria | 35 | 2 | 11 | 22 | 35 | 70 | -35 | 17 |
Athugasemdir