Argentínski miðjumaðurinn Guido Rodriguez er að ganga í raðir Barcelona frá Real Betis en þetta segir spænski miðillinn Sport.
Rodriguez er þrítugur og einn af bestu mönnum Betis en hann hefur verið á mála hjá félaginu frá 2019.
Frá því hann samdi við Betis hefur hann spilað 28 landsleiki með Argentínu og var hann meðal annars í hópnum sem vann HM í Katar fyrir tveimur árum.
Sport greinir frá því að Barcelona hafi mikinn áhuga á að semja við Guido sem verður samningslaus í sumar.
Samkvæmt fréttinni eru viðræður komnar langt á veg og er líklegra en ekki að hann verði kynntur eftir tímabilið.
Athugasemdir