Fótbolti.net

„Æðislegt að vera kominn heim og æðislegt að fá traustið"

Stigið upp eftir lélegt tímabil í fyrra - „Mig langaði að spila í efstu deild"

Davíð Smári: Hefði kannski átt að sleppa því að tala um það

Gunnar stoltur þrátt fyrir tap: Að spila gegn besta liði landsins

Haddi: Frábært hversu fljótt hann er kominn inn í þetta

Birta Georgs: Við höfum allar óbilandi trú á þeim

John Andrews: Spiluðu með Víkingshjartanu

Óli Kristjáns: Slakasta frammistaða okkar í sumar

Guðni Eiríksson: Við vorum komin í ansi djúpa holu

Hannah Sharts: Þetta var einhver misskilingur, frá sjónarhorni dómarans allavega

Donni: Lítið annað hægt en að dást og læra af

Fanndís: Eigum bara ekki að þurfa að fá á okkur mark

Andrea Mist: Get ekki beðið, ég er að telja niður dagana

Var með í maganum fyrir leikinn - „Ekki mikið talað um þær"

Jonathan Glenn: Þegar það rignir þá hellirignir

Karen María: Loksins einhver önnur en Sandra

Úlfur: Attum að fara inn í hálfleik með forystu

Siggi Höskulds: Hann nær hámarkshraða sama hvaða tími er á klukkunni

Þorleifur: Vorum boðnar velkomnar í Lengjudeildina

Jón: Vildi óska að það væri annar leikur á morgun

lau 30. september 2023 14:11

Elvar Geir Magnússon

Palli Kristjáns um brotthvarf Rúnars: Erfið ákvörðun en held að hún sé rétt

Páll Kristjánsson, formaður KR.

Mynd: KR

Rúnar Kristinsson og Kristján Finnbogason.

Mynd: Fótbolti.net - Hafliði Breiðfjörð

Rúnar Kristinsson verður ekki þjálfari KR á næsta tímabili en þetta var tilkynnt í gær. Það var ákvörðun knattspyrnudeildar félagsins að framlengja ekki samninginn við Rúnar.

Fótbolti.net spurði Pál Kristjánsson, formann knattspyrnudeildar KR, út í þessa ákvörðun.

„Það lá ljóst fyrir að hann væri að renna út á samningi. Hann hefur verið hjá okkur í sex ár. Eftir heildarmat á stöðunni var það okkur skoðun að það þyrfti að hrista upp í hlutunum og fá eitthvað nýtt inn, í rauninni prófa nýja hluti," segir Páll.

„Rúnar hefur skilað frábæru starfi á sex ára tímabili, árangurinn í ár vissulega undir væntingum og líka í fyrra. Við töldum nauðsynlegt að skoða þetta upp á nýtt og taka þessa ákvörðun."

„Rúnar hefur verið andlit félagsins út á við og skilað frábæru starfi hvort sem það er innan vallar eða utan hans. Það er stór hópur sem fylgir honum og það eru skiptar skoðanir. Þetta er ekki auðveld ákvörðun að taka. Ég vil sérstaklega taka það fram að það er ekki verið að reka Rúnar Kristinsson, það er tekin sú ákvörðun að endurnýja ekki samning. Það er ekki einhliða ákvörðun að endurnýja samning. Við stöndum og föllum með þessari ákvörðun. Ég held að hún sé rétt. Hún er erfið en ég held að hún sé rétt."

Hvernig tók Rúnar því þega honum var tilkynnt að ákveðið væri að fara ekki í viðræður um nýjan samning?

„Rúnar er heiðursmaður og á allt gott skilið. Hann hefur fengið 100% stuðning minn og stjórnarinnar í gegnum árin. Auðvitað er þetta högg í magann, það er verið að segja við menn að það er verið að gera breytingar og aðilar að missa starfið sitt. Hann tók þessu eins og herramaður og það var sameiginleg ákvörðun að hann myndi klára tímabilið. Þetta er auðvitað erfitt og það fyrir alla aðila," segir Páll.

Það verða talsvert miklar breytingar á þjálfarateyminu en Kristján Finnbogason aðstoðarmaður Rúnars og markvarðaþjálfari mun stíga til hliðar. Er KR byrjað í leit að arftaka Rúnars?

„Sú vinna er farin af stað en við ætlum að flýta okkur hægt. Tímabilið er ekki búið og Rúnar er enn í starfi. Ég held að þetta sé eftirsóknarvert starf og ég held að sá sem taki við muni taka við skemmtilegu búi. Það er búið að yngja upp í liðinu, þessi kynslóðaskipti sem hefur verið talað um hefur átt sér stað og Rúnar hefur leitt þá vinnu."

Í viðtalinu sem er í heild í sjónvarpinu hér að ofan ræðir Páll nánar um stöðu mála hjá KR og þær breytingar sem eru í vændum. Einnig er talað um aðstöðumál félagsins.