,,Ég veit ekki hvort þetta hafi verið meistaraheppni en við áttum ekki okkar besta leik og það skiptir máli að vinna þá leiki líka," sagði Haukur Heiðar Hauksson leikmaður KR ánægður eftir 3-1 sigur liðsins á Selfyssingum í dag.
Haukur Heiðar skoraði annað mark KR í dag með skalla eftir hornspyrnu en þetta var fyrsta mark hans í efstu deild.
,,Það var gott að fá loksins að fagna fyrir framan KR-ingana. Atli er með frábær horn og það var enginn að dekka mig þannig að það var gott að skora. Hann byrjaði á að dekka mig en síðan fór hann á nærstöngina og þá var ég aleinn á fjær. Ég átti að klára þetta."
Haukur Heiðar og Magnús Már Lúðvíksson hafa verið að skiptast á að leika í hægri bakverðinum hjá KR í síðustu leikjum.
,,Þetta er stór hópur og það er mjög mikil breidd. Ég bjóst ekki við því fyrir tímabilið að spila meira en ég hef gert og ég er mjög ánægður eins og þetta er."
Hér að ofan má sjá viðtalið í heild sinni.
Athugasemdir
