SKÝRSLAN: Emil Páls tryggði titilinn
Hvað réði úrslitum?
Frábær fyrirgjöf frá Hendrickx sem endaði með snertingu frá Emil Páls í netið, það var það sem skipti öllu máli í þessum leik.
Bestu leikmenn
1. Emil Pálsson
Var frábær á miðjunni hjá FH í dag. Skoraði svo markið mikilvæga sem skilaði FH titlinum eftirsótta.
2. Kennie Knak Chopart
Vann endalaust og gaf varnarmönnum FH aldrei frið. Var frábær í dag og skoraði mark sem hann átti skilið að skora.
Atvikið
Markið hjá Fjölni sem að hefði getað reynst FH dýrkeypt en það var það ekki í þetta skiptið. Engu að síður arfaslakt.
Hvað þýða úrslitin?
FH eru Íslandsmeistarar en Fjölnir ná ekki Evrópusæti, svo einfalt er það nú.
Vondur dagur
Veðurguðinn var vondur við okkur í dag. Annars voru Pétur Viðars og Róbert ekki í neinum samskiptum þegar Fjölnir skoraði sitt mark.
Dómarinn - 8
Háklassa dómgæsla í dag.