SKÝRSLAN: Mark frá miðju réði úrslitum í rokinu
Hvað réði úrslitum?
Vindurinn hafði mikið að segja í dag og gæðin í fótboltanum fengu að finna fyrir því. Skagamenn héldu hreinu og skoruðu frá miðju, það tryggði sigurinn!
Bestu leikmenn
1. Gylfi Veigar Gylfason
Var gríðarlega öflugur í vörn Skagamanna í dag.
2. Árni Snær Ólafsson
Hélt hreinu og varði nokkrum sinnum vel.
Atvikið
Vindurinn og sigurmarkið hjá Arnari Má. Magnað skot úr miðjuboganum en vindurinn hjálpaði talsvert til.
Hvað þýða úrslitin?
ÍA klifraði upp fyrir Fylki í 7. sæti deildarinnar en Valsmenn sitja áfram í 4. sætinu fyrir lokaumferðina.
Vondur dagur
Bjarni Ólafur Eiríksson rotaðist eftir að hafa fengið boltann í hausinn í upphitun! Missti af leiknum fyrir vikið.
Dómarinn - 8,5
Flott frammistaða hjá Jarlinum.