Einstaklingsgæði. Í liði Þórs/Ka eru tvær af allra bestu knattspyrnukonum landsins í þeim Söndru Maríu og Söndru Mayor þær tvær voru einfaldlega í heimsklassa í dag og eru stóru munurinn á Þór/Ka og Grindavík og líklega flestum öðrum liðum Pepsi deildarinnar.

Fimmta og síðasta mark Þórs/Ka er atvik leiksins.
Sandra María stóð ein og óvölduð í teignum og fékk allan tíma heimsins til að ákveða hvar í markið hún ætti að setja boltann. Varnarmenn Grindavíkur voru í órafjarlægð og eftirleikurinn alltof auðveldur fyrir jafn góðan leikmann og Sandra María er.

Þór/Ka hefur mótið með stæl og situr í öðru sæti deildarinnar á markatölu.

Grindavík þarf aftur á móti að laga ansi margt fyrir næsta leik liðsins sem er ekki af auðveldari gerðinni gegn Breiðablik

Vivianne í marki heimamanna er frábær markvörður og varði nokkrum sinnum vel í dag. En hún eins og aðrir í aftari línum Grindavíkur átti í miklum erfiðleikum með pressu norðankvenna í leiknum. Var oft að gaufa með boltann í eigin vítateig með mann í pressu á sér sem leiddi til lélegra hreinsanna og hættu upp við markið. Átti eins og áður sagði ágætar vörslur inná milli en var heilt yfir slök í dag.

Prúðmannlega leikinn leikur og reyndi ekki mikið á Helga og hans fólk en hann þarf að vera ákveðinn. Virkaði á köflum hálf óöruggur og jafnvel pínu stressaður.